पुजाको प्रसाद खाँदा गाउँनै विरामी

काठमाडौं । पूजाको प्रसाद खाँदा झापाको अर्जुनधारा नगरपालिकाको एउटा गाउँका सबै बिरामी परेका छन् । अर्जुनधारा नगरपालिका ९ को खरबन्दी गाउँ नै बिरामी परेको हो । स्थानीय रीता निरौलाको घरमा बुधबार पूजा लगाइएको थियो । पूजामा ६० जनाभन्दा धेरैले प्रसाद खाएका थिए ।

प्रसादी खाने सबै बिरामी परेका छन् । पूजा घरमा पुगेर प्रसाद खानेहरु बिरामी परेको स्थानीय विद्या कटवालले बताइन् । घरमा ल्याएको प्रसाद खाने पनि बिरामी भएका छन् । गाउँका स्थानीय र पूजाका लागि पाहुना आएका आफन्त गरी ६० जनाबढी बिरामी भएक अर्जुनधारा नगरपालिका ९ का वडा अध्यक्ष भिष्म मिश्रले बताए ।

बिरामीको स्थानीय क्लनिकमा उपचार भइरहेको उनको भनाइ छ । प्रसाद खाएको केही समयपछि सबैलाई वान्ता र डाइरिया र ज्वरो पनि आएको छ । पुजाको प्रसादमा फुट पोइजन हुँदा गाउँ नै बिरामी परेको अध्यक्ष मिश्रले बताए ।