मोरङ र सुनसरीमा आकस्मिक बाढी आउन सक्ने चेतावनी, सचेत रहन आग्रह

काठमाडौं । मोरङ र सुनसरीमा भारी वर्षाका कारण साना खोलामा आकस्मिक बाढी आउन सक्ने जल तथा मौसम विज्ञान विभागले चेतावनी दिएको छ ।

पछिल्लो तीन घण्टा सुनसरीको चतरा, धरान, इटहरी र मोरङका केराबारी, लेटाङ, सुन्दरहरैचा, बेलबारी आसपासमा भारी वर्षा भएको र अझ धेरै पानीपर्ने सम्भावना रहेको जल तथा मौसम विज्ञान विभागले जनाएको छ।

सुनसरीको सेउती, सर्दु, सुनसरी खोला र मोरङको बूढीखोला, केसलिया, लोहन्द्रा, चिसाङलगायत खोलामा आकस्मिक बाढी आउनसक्ने विभागले जनाएको छ। आज मध्याह्न १२ बजेसम्म उच्च सतर्कता अपनाउन विभागले आग्रह गरेको छ।