बाँकेको बाल सुधारगृहभित्र झडप

काठमाडौं । बाँकेको डुडुवा गाउँपालिका–६ स्थित बाल सुधारगृहभित्र बालबन्दीबीच झडप भएको छ । सोमबार साँझ खाना खाने बेला उनीहरूबीच दोहोरो झडप भएको थियो । झडपपछि सुधारगृहबाट १५।१६ बालबन्दी भागेका छन् ।

उनीहरूमध्ये अधिकांशलाई प्रहरीले नियन्त्रणमा लिएको छ । दुईजना भने अझै फरार रहेका लुम्बिनी प्रदेश प्रहरी प्रमुख (डीआईजी) कुवेर कडायतले जानकारी दिए । खाना खाने विषयमा उनीहरूबीच झडप भएको डीआईजी कडायतको भनाइ छ ।

झडपमा संलग्न आठजनालाई जिल्ला प्रहरी कार्यालय बाँकेको थुनामा राखिएको छ ।