- २१ कार्तिक २०८३, शनिबार / Nov 7, 2026
काठमाडौं । संसदको गतिरोध अन्त्य गर्नका लागि प्रधानमन्त्री प्रचण्डले नेपाली कांग्रेसलाई छलफलमा बोलाएका छन् । जेठ १ गते आगामी आर्थिक वर्षको नीति तथा कार्यक्रम प्रस्तुत गर्नुपर्ने तर, नेपाली कांग्रेसले संसद अवरुद्ध गर्दै आएकाले सहमतिका लागि आज छलफलमा बोलाएका हुन् ।
कांग्रेसले सहकारी ठगी प्रकरणमा संसदीय छानबिन समिति बनाउनुपर्ने माग राख्दै संसद अवरुद्ध गर्दै आएको छ । सत्तारुढ दल त्यसमा सकारात्मक देखिएको छैन ।
शुक्रबारदेखि सुरु भएको बजेट अधिवेशनमा गृहमन्त्री रवि लामिछानेसमेत जोडिएको सहकारी ठगी प्रकरणमा संसदीय छानविन समिति बनाउनु पर्ने अडान कायमै राखेर काँग्रेसले नाराबाजी गरेको थियो ।
