प्रदेश प्रमुखले लिए शपथ

काठमाडौं । तीन प्रदेश प्रमुखले पद तथा गोपनीयताको शपथ लिएका छन् । गत सोमबार बसेको मन्त्रिपरिषद बैठकले मधेशमा सुमित्रा सुवेदी, गण्डकीमा डिल्लीराज भट्ट र सुदूरपश्चिममा नजिर मियालाई प्रदेश प्रमुख नियुक्ति सिफारिस गरेको थियो ।

मन्त्रिपरिषदको सिफारिसमा राष्ट्रपति रामचन्द्र पौडेलले उनीहरुलाई प्रदेश प्रमुख नियुक्त गरेका हुन् । बुधबार नै राष्ट्रपतिबाट पद तथा गोपनीयताको शपथ लिएका हुन् । मधेशका प्रदेश प्रमुख हरिशंकर मिश्र, गण्डकीका पृथ्वीमान गुरुङ र सुदूरपश्चिमका देवराज जोशीलाई बुधबार नै पदमुक्त गरेका थिए ।

कांग्रेसको गठबन्धन छोडेर एमालेसँग नयाँ गठबन्धन बनाएपछि कांग्रेस निकट प्रदेश प्रमुख हटाएर एमाले निकटका व्यक्तिहरु प्रदेश प्रमुख नियुक्त गरिएको हो ।