नागरिक उन्मुक्ति पार्टी भित्र विवाद चर्किएको स्वीकार

काठमाडौँ । नागरिक उन्मुक्ति पार्टी भित्र विवाद चर्किएको अध्यक्ष रञ्जिता श्रेष्ठले स्वीकार गरेकी छन् ।
बुधबार प्रतिनिधि सभाको बैठकपछि सञ्चारकर्मीहरुसंग कुरा गर्दै उनले श्रीमान् रेशम चौधरी र आफूबीच पार्टीगत रूपमा विचार नमिलेको स्विकारेकी हुन ।

रञ्जिताले भनिन्, ‘मन्त्री पाउन विश्वासको मत दिएको होइन। पार्टी छुट्टै कुरा हो। परिवार छुट्टै कुरा हो। परिवारमा हाम्रो त्यस्तो केही पनि छैन। रेशम पार्टीका संस्थापक र जन्मदाता हुनुहुन्छ। पार्टीको महाधिवेशन गरेर उहाँलाई सर्वसम्मत रूपमा अध्यक्ष स्विकारेको हो। परिवार फुट्दैन। म आफू सँगै छु नि स्टाटस लेख्दा। पार्टीगत रूपमा हाम्रो मत फरक हो।’

अध्यक्ष श्रेष्ठले पार्टी र परिवार छुट्टै कुरा भएको भन्दै पार्टीका संस्थापक तथा आफ्ना श्रीमान् रेशम चौधरीसँग पार्टीगत रूपमा विचार नमिलेको बताएकी हुन ।