- ११ बैशाख २०८३, शुक्रबार / Apr 24, 2026
काठमाडौँ, १४ भाद्र । प्रधानमन्त्री केपी शर्मा ओलीले चिनियाँ राष्ट्रपति सी जीनपिङसँगको भेटवार्ता भएकाे छ । प्रधानमन्त्री ओलीले चिनियाँ राष्ट्रपति सी जीनपिङसँगको भेटलाई “फलदायी” भन्दै सकारात्मक नतिजा आएको बताएका छन् ।
शनिबार थियानजिन अतिथि गृहमा भएको द्विपक्षीय वार्तामा नेपाल र चीनबीचको सम्बन्ध र सहकार्यलाई थप मजबुत बनाउनका लागि छलफल भएको बताइएकाे छ । प्रधानमन्त्री ओलीले भेटपछि सञ्चारकर्मीसँग भने, “यस वर्ष पनि राष्ट्रपति सीसँग भेट्न र फलदायी द्विपक्षीय वार्ता गर्न पाउँदा खुशी लागेको छ ।” उनले एससीओ शिखर सम्मेलनमा आमन्त्रण गरेकोमा राष्ट्रपति सीलाई धन्यवाद दिएका छन् ।
दुवै नेताले नेपाल र चीन बीचको सम्बन्धमा भएको प्रगति र भविष्यमा अझ मजबुत बनाउन आवश्यक कदमहरूबारे छलफल गरेका हुन । बैठकले व्यापार, पूर्वाधार निर्माण र क्षेत्रीय सुरक्षा जस्ता क्षेत्रमा द्विपक्षीय सहकार्य बढाउने सहमति जनाएको छ ।
प्रधानमन्त्री ओली हाल चीनको औपचारिक भ्रमणमा रहेका छन्, जसका साथ नेपाल सरकारका मन्त्री र उच्च अधिकारीहरूको टोली पनि उपस्थित छ । यस भ्रमणबाट नेपालको चीनसँगको सम्बन्धलाई अझ बलियो बनाउने र विभिन्न क्षेत्रमा सहकार्य विस्तार गर्ने अपेक्षा गरिएको छ ।
