- २६ भाद्र २०८३, शुक्रबार / Sep 11, 2026
काठमाडौँ । सुर्खेतबाट कर्णाली प्रदेशका अन्य जिल्लामा नेपाल वायुसेवा निगम (नेपाल एयरलाइन्स)ले उडान गर्ने भएको छ। उपप्रधानमन्त्री तथा रक्षामन्त्री पूर्णबहादुर खड्कासँग कार्यकारी अध्यक्ष युवराज अधिकारीसहितको निगमको टोलीले उडानको संचालनका लागि रक्षा मन्त्रालयमा छलफल भएको हो ।
छलफलमा नेपाल वायुसेवा निगमका अध्यक्षसहित सुर्खेतबाट हवाई सेवा दिने व्यवस्था मिलाउन गठित समितिका पदाधिकारीहरूको समेत सहभागिता रहेको थियो। छलफलमा उपप्रधानमन्त्री खड्काले कर्णाली प्रदेशको राजधानी सुर्खेतबाट अन्य जिल्लामा हवाई सेवा दिने नेपाल एयरलाइन्सको दीर्घकालीन व्यावसायिक योजनामा आफ्नो, सङ्घीय सरकार र प्रदेश सरकारको साथ, सहयोग र समर्थन रहेको बताउनुभयो ।
सुर्खेतबाट कर्णाली प्रदेशका अन्य जिल्ला जुम्ला, हुम्ला, सिमिकोट, ताल्चा, डोल्पालगायतका गन्तव्यको उडान प्रारम्भ गर्न प्राथमिकता दिएर चाँडो भन्दा चाँडो रफ्तारकासाथ काम गर्न उहाँले आग्रह गर्नुभयो ।
