- १८ जेष्ठ २०८३, सोमबार / Jun 1, 2026
काठमाडौँ, १८ जेठ । राष्ट्रपति रामचन्द्र पौडेलले सङ्घीय संसद्का दुवै सदनबाट पारित भई प्रमाणीकरणका लागि पेश भएका दुई विधेयक प्रमाणीकरण गर्नुभएको छ।
राष्ट्रपति कार्यालयका प्रवक्ता रितेश कुमार शाक्यका अनुसार राष्ट्रपति पौडेलले प्रतिनिधिसभा सदस्य निर्वाचन (पहिलो संशोधन) विधेयक, २०८३ तथा मतदाता नामावली (पहिलो संशोधन) विधेयक, २०८३ प्रमाणीकरण गर्नुभएको हो।
उक्त विधेयकहरू नेपालको संविधानको धारा ११३ को उपधारा (२) बमोजिम प्रमाणीकरण गरिएको राष्ट्रपति कार्यालयले जनाएको छ।
यी विधेयकहरू संसद्को दुवै सदनबाट पारित भई राष्ट्रपतिको प्रमाणीकरणका लागि पेश गरिएका थिए। प्रमाणीकरणपछि अब यी कानुन कार्यान्वयन प्रक्रियामा जाने भएका छन्।
