- ३१ असार २०८३, बुधबार / Jul 15, 2026
काठमाडौं । सोमबार मध्यरातमा नेपाली कांग्रेस र नेकपा एमालेबीच नयाँ सत्ता समीकरण बनेसँगै अल्पमतमा परेका प्रधानमन्त्री पुष्पकमल दाहाल प्रचण्ड राजनीतिक परामर्शमा जुटेका छन् ।
प्रधानमन्त्री दाहाल नेतृत्वको दल नेकपा माओवादी केन्द्रका पदाधिकारीहरुको बैठक केहि बेरमा बस्दैछ । पार्टीको बैठक सकाएर प्रधानमन्त्री दाहालले सत्ता गठबन्धनमा रहेका दलहरुसँग परामर्श गर्ने तयारी गरिरहेका छन् ।
नेपाली काँग्रेस र नेकपा एमालेको सत्ता समीकरण बनेसंगै अल्पमतमा परेका प्रम दाहाल अहिले तत्काल राजीमाना दिने वा संसदमा विश्वासको मत लिने भन्ने छलफलमै छन् । प्रधानमन्त्री स्रोतका अनुसार राजीनामा दिने वा नदिने विषयमा छलफल भइसकेको छैन् ।
अब के हुन सक्छ त ?
अहिलेको अवस्थामा यदि प्रधानमन्त्री दाहाले तत्काल राजीनामा नदिए नेकपा एमालेले आफ्नो सर्मथन फिर्ता लिनसक्छ । संवैधानिक व्यवस्थानुसार प्रधानमन्त्री दाहालसंग विश्वासको मत लिन ३० दिन रहन्छ ।
प्रधानमन्त्री दाहालले संसदमा विश्वासको मत नपाए नयाँ सरकार गठनको बाटो खुल्नेछ ।
