काँग्रेस-एमाले गठबन्धनप्रति बालेनको कटाक्ष-‘यो समय गिरिबन्धु चियाको हो, काले काले मिलेर खाऊ भाले’

काठमाडौँ । काठमाडौँ महानगरपालिकाका मेयर बालेन साहले संसद्का दुई ठुला दल काँग्रेस र एमालेको गठबन्धनलाई ‘काले काले मिलेर खाउँ भाले’ भन्दै कटाक्ष गरेका छन् ।

साेमबार मध्यरातमा नेपाली काँग्रेस र नेकपा(एमाले)बिच नयाँ समीकरण बनाउने सहमति भएसँगै मङ्गलवार बिहान मेयर साहले ‘यो समय गिरिबन्धु चियाको हो, काले काले मिलेर खाऊ भाले’ भन्दै सामाजिक सञ्जालमा व्यङ्ग्य गरेका हुन् ।

गिरिबन्धुको फाइल खोल्ने हल्लाका बीच उल्टो त्यस्तो जग्गा एकपल्टलाई बेच्न दिने विधेयक संसदबाट पास भएको र नेपाल मजदुर किसान पार्टी र काँग्रेसका केही सांसदले विरोध गरे पनि एमाले, माओवादी र रास्वपाले समर्थन गरेपछि यो विधेयक पास भएको भन्दै मेयर साहले कमेन्टमा आफ्नो स्ट्याटसलाई थप प्रष्ट्याएका छन् ।