रास्वपाले आजदेखि राजधानी केन्द्रित आन्दोलन गर्ने, लामिछानेलाई पक्राउ गर्न रुपन्देही अदालतको पनि अनुमति

काठमाडौं । राष्ट्रिय स्वतन्त्र पार्टीले अब राजधानी काठमाडौँ केन्द्रित आन्दोलन गर्ने भएको छ । सहकारी ठगी प्रकरणमा पक्राउ परेका रास्वपा सभापति रवि लामिछानेलाई हिरासतमा राख्ने म्याद विहिबार सात दिन थप भएपछि आजदेखि काठमाडौँ केन्द्रित आन्दोलन गर्ने भएको हो ।

रास्वपाले आज अपराहन्न १ बजे माइतीघरमा हुने प्रदर्शनमा सहभागी हुन कार्यकर्तासलाई आव्हान गरेको छ । रास्वपाले लामिछानेलाई राजनीतिक प्रतिशोधमा पक्राउ गरेको आरोप लगाउदै आएको छ । यसैबी

लामिछानेविरुद्ध रुपन्देहीबाट पक्राउ पुर्जी जारी
राष्ट्रिय स्वतन्त्र पार्टीका सभापति रवि लामिछानेलाई जिल्ला अदालत रुपन्देहीले पक्राउ गर्न अनुमति दिएको छ । न्यायाधीश श्यामप्रसाद श्रेष्ठको एकल इजलासले लामिछानेसहित १२ जनालाई सुप्रिम बचत तथा ऋण सहकारी संस्थाको बचत रकम हिनामिना गरेको आरोपमा पक्राउ गर्न अनुमति दिएको हो ।

कास्कीमा प्रहरी हिरासतमा रहेका लामछानेविरुद्ध कास्की जिल्ला अदालतले थप ७ दिन हिरासतमा राख्न अनुमति दिएको हो । गत शुक्रबार काठमाडौंबाट पक्राउ परेका रवि हाल कास्की प्रहरीको हिरासतमा छन् । पहिले ६ दिन हिरासतमा राख्न अनुमति दिएकोमा थप ७ दिन हिरासतमा राख्न अनुमति दिएको छ ।