वर्षा र हिमपातले कतै खुशी त कतै पीडा

काठमाण्डौ । वर्षाले जाजरकोट र रुकुम पश्चिमका भूकम्प पीडितलाई सास्ती थपेको छ । किसान हिउँदे वर्षा र हिमपातले खुसी दिए पनि भूकम्प पीडितलाई भने सास्ती दिएको हो । त्रिपालमुनि बस्न बाध्य भएका पीडितहरु थप समस्यामा परेका छन् ।

जाजरकोट भूकम्पबाट झण्डै ८० हजार घरमा क्षति पुुगेकोमा २५ हजारको सङ्ख्यामा अस्थायी आवास बनेको राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्याङ्क छ । जाजरकोट केन्द्रबिन्दु भएर गएको कात्तिक १७ गते भूकम्प गएको थियो । उनीहरुलाई पानी र हिमपातका कारण चिसो बढेपछि थप समस्या भएको हो ।

समयमै उचित व्यवस्थापन हुन नसक्दा चिसोका कारण भूकम्पपीडित थप मारमा परेका छन् । अस्ति बुधवार बेलुकादेखि जाजरकोट र रुकुमपश्चिमको उच्च पहाडी तथा हिमाली क्षेत्रमा हिमपात भएको हो ।