- १४ असार २०८३, आईतवार / Jun 28, 2026
वीरगञ्ज । न्यायालयको नेतृत्वमा प्रधानन्यायाधीश चोलेन्द्र शमशेर जबरा असफल भएकोेले राजीनामा दिनुपर्ने लोकतान्त्रिक समाजवादी पार्टी (लोसपा) नेपालका नेता राजेन्द्र महतोले वीरजञ्जमा आयोजित पत्रकार सम्मेलनमा बताएका छन् ।
कानून व्यवसायीहरुको आन्दोलनले नेपाली जनताको न्याय नपाएको र न्यायालयको विकृति विसंगतिको जिम्मा प्रधानन्यायाधीश राणाले लिनुपर्ने उनको भनाइ छ । उनले भने, ‘नेपाली जनताले न्यायालयबाट न्याय पाइरहेका छैनन्, अदालत चल्न नसकेको अवस्था छ । अदालतको न्यायाधीश र कानून व्यवसायी आन्दोलनमा छन् । सेटिङमा देश चलेको छ । त्यसैले त्यसको जिम्मा प्रधानन्यायाधीश चोलेन्द्र शमशेर जबराले लिनुपर्छ ।’
न्यायालयलाई निकास दिन प्रधानन्यायाधीश राणाले अविलम्ब राजीनामा दिनुपर्ने बताउँदै न्यायालयमा अहिलेको अवस्था आउनु दुर्भाग्यपूर्ण भएकोे बताए । नेता महत्तोले न्यायालय फेल हुनु नै देश फेल भएको, व्यवस्था फेल भएको जिकिर गरे ।
