- १ आश्विन २०८३, बिहीबार / Sep 17, 2026
काठमाडौँ । राष्ट्रिय सभा अध्यक्षको निर्वाचनका लागि आज उम्मेदवारी दर्ता हुँदैछ । फागुन २९ गतेका लागि निर्वाचनको तालिका सार्वजनिक गरेको छ ।
तालिकाअनुसार आज बिहान ११ बजे देखि दिउँसो १ बजेसम्म उम्मेदवारी दर्ताको समय निर्धारण गरिएको छ । साढे १ बजे उम्मेदवारको नामावली प्रकाशित गरिनेछ।
मङ्गलवार बिहान ११ः बजे बस्ने बैठकमा अध्यक्ष चयन प्रक्रिया अघि बढाइने कार्यतालिका छ । अध्यक्षका लागि नेकपा माओवादी केन्द्र र नेपाली काँग्रेसले उम्मेदवार तय गरेका छन् । माओवादीका तर्फबाट राष्ट्रिय सभा अध्यक्षमा नारायण दाहाल उम्मेदवार छन् ।
प्रमुख प्रतिपक्षी काँग्रेसका तर्फबाट युवराज शर्मा अध्यक्षको उम्मेदवार बनाउने निर्णय भएको छ । २०७८ मा तत्कालीन राष्ट्रपति विद्यादेवी भण्डारीले दाहाललाई राष्ट्रिय सभा सदस्यमा मनोनीत गरेकी थिइन् । काँग्रेसले युवराज शर्मालाई अघि सार्ने भएको छ ।
बाँकेका शर्मा लुम्बिनी प्रदेशबाट राष्ट्रिय सभा सदस्य निर्वाचित भएका हुन् । उनी ०४५ सालमै पार्टीको बाँके सभापति भएर काम गरेका थिए।
