आज मौद्रिक नीति सार्वजनिक हुने

काठमाडौं । नेपाल राष्ट्र बैंकले आज मौद्रिक नीति ल्याउँदैछ । बजेटको तादम्यता मिल्ने गरी मौद्रिक नीति ल्याउने तयारी गरेको छ । अर्थमन्त्री विष्णु पौडेल र राष्ट्र बैंकका गभर्नर महाप्रसाद अधिकारीको ‘ट्युनिङ’ मिलेकोले सहज वातावरणमा मौद्रिक नीति जारी हुने अपेक्षा गरिएको छ ।

अघिल्लो शुक्रबार नै आर्थिक वर्ष २०८१, ०८२ को मौद्रिक नीति सार्वजनिक गर्न लागेपनि सरकार परिवर्तनका कारण एक हप्ता ढिलो भएको हो । प्रधानमन्त्री केपी शर्मा ओलीको आर्थिक सल्लाकार डा. युवराज खतिवडा बनेपछि प्रधानमन्त्री र खतिवडाले गभर्नरसँग मौद्रिक नीतिको ब्रिफिङ लिएका थिए ।

केही कुरा थप गर्नु पर्ने भन्दै मौद्रिक नीति १ हप्ता पछाडि धकेलिएको थियो । मौद्रिक पास गर्न भोलि बिहान ८ बजे सञ्चालन समितिको बैठक बोलाइएको छ । शेयर बजार, घरजग्गा कारोबार र उत्पादन क्षेत्रलाई केन्द्रित गरेर मौद्रिक नीति आउने छ ।