- २६ असार २०८३, शुक्रबार / Jul 10, 2026
एजेन्सी। रूसले साइबेरिया र अलास्काबीच समुद्रमुनी सुरुङ निर्माण गर्ने प्रस्ताव अघि सारेको छ। कतारी सञ्चारमाध्यम अलजजीरा का अनुसार, यो परियोजना अमेरिकी द बोरिङ कम्पनीको सहकार्यमा निर्माण गर्न सकिने योजना रहेको छ।
सुरुङ झन्डै ११२ किलोमिटर लामो हुनेछ र यसले रेलमार्ग र मालवाहक मार्गको रूपमा दुई देशबीच संयुक्त स्रोत अन्वेषण र ऊर्जा सहयोग गर्न योगदान पुर्याउने अपेक्षा गरिएको छ। रूसी पक्षले यो परियोजनालाई ‘पुटिन–ट्रम्प टनेल’ नाम दिएका छन्।
यस प्रस्तावलाई अमेरिकी राष्ट्रपति डोनाल्ड ट्रम्पले सकारात्मक प्रतिक्रिया दिएका छन्। तर, युक्रेनी राष्ट्रपति भ्लोदिमिर जेलेन्स्कीले यसप्रति असन्तुष्टि व्यक्त गर्नु भएको छ। साथै, ट्रम्प र पुटिन दुई हप्ताभित्र युक्रेन युद्धबारे छलफल गर्न बुडापेस्टमा भेटवार्ता गर्ने योजना रहेको छ।
