भक्तपुरमा आजदेखि ४४ औँ नेपालभाषा साहित्य तःमुंज्या

भक्तपुर । भक्तपुरमा आजदेखि ४४ औँ नेपालभाषा साहित्य तःमुंज्या (बृहत सम्मेलन) सुरु भएको छ । नेपाल मजदुर किसान पार्टीका अध्यक्ष नारायणमान विजुक्छे रोहितसहित देशभरबाट साहित्यकार सहभागि सम्मेलनमा जनकवि दुर्गालाल श्रेष्ठ लगायतका विशिष्ट साहित्यकारको जमघट रहेको छ ।

जनता रहे भाषा रहन्छ भन्ने उदघोषकासाथ सुरु भएको नेपालभाषा साहित्य तःमुंज्यामा साहित्यकार तथा साहित्यप्रेमीहरूले समाज रुपान्त्रणका विविध आयामसंग सम्बन्धित आ–आफना कविता, कथा र निबन्ध वाचन गरेका छन् । समाज जागरणमा साहित्यकारको ठूलो हात रहेको साहित्यकार मोहन दुवाल, हरिहर तिमल्सिनालगायतले बताएका छन् ।

पूर्व न्यायाधिस गौरीबहादुर कार्की, इन्जिनियर रामविन्दु श्रेष्ठलगायतले सम्मेलनको खुलेरै प्रसंसा गरे । गलत राजनैतिक सँस्कारलाई चिर्दै सहि सँस्कार सँस्कृति र भाषा बचाउन यस्ता सम्मेलनले महत्वपूर्ण भूकिका खेल्ने सहभागि साहित्यकारहरुको धारणा छ ।

सम्मेलन भोलिसम्म चल्ने र विविध साँस्कृतिक कार्यक्रम पनि गरिने नेपालभाषा साहित्य तःमुंज्याका अध्यक्ष आशकुमार चिकंबन्जारले बताए । सम्मेलनमा नेवारी समुदायका विभिन्न नृत्य, व्यङ्ग्य र एकाङ्की नाटकसमेत प्रस्तुत हुने आयोजक समितिका अध्यक्ष कृष्णभक्त लवजूले बताए । सम्मेलनमा कलाकार, साहित्यकार, राजनीतिज्ञहरुको पनि सहभागिता रहेको छ ।

तस्वीरमा…