- २५ भाद्र २०८३, बिहीबार / Sep 10, 2026
काठमाडौं । संघीय संसद सदस्यहरुको टोली १० दिने चीन भ्रमणका लागि बेइजिङ प्रस्थान गरेका छन् ।
माओवादी केन्द्रका मुख्य सचेतक हितराज पाण्डे नेतृत्वमा २० सदस्यीय टोली एयर चाइनाबाट दिउँसो छेन्दु हुँदै बेइजिङ प्रस्थान गरेको हो ।
भ्रमणमा कांग्रेस र एमालेका ५–५, माओवादी केन्द्रका ३, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी र नेकपा एकीकृत समाजवादीबाट एक–एक जना छन् ।
चीनको वाणिज्य मन्त्रालय अन्तर्गतको अन्तर्राष्ट्रिय व्यापार एकेडेमीको कार्यक्रममा सहभागी हुन सांसदहरुको टोली चीन गएको हो ।
चीनमा रहँदा भ्रमण टोलीले बेइजिङ, नानजिङ र गियाङ सहरसमेत भ्रमण गर्ने कार्यतालिका छ ।
