सरकारी जग्गामा बनाएको बाटोमा चल्यो डोजर, वडा अध्यक्ष सापकोटाले गरे बाचा पुरा

भक्तपुर । भक्तपुरको सूर्यविनायक नगरपालिका वडा नं ७ गुण्डु र ललितपुरको महालक्ष्मी नगरपालिका वडा नं ९ को सीमाना रहेको देउरालीडाँडामा ब्यक्तिको जग्गा बचाउँन सरकारी जग्गामा निर्माण गरिएको बाटोमा नगरपालिकाको डोजर चलेको छ । वडाको स्वीकृति नलिएर व्यक्तिको भण्डै दुई रोपनी जग्गा बचाउँन सार्वजनिक जग्गामा निर्माण गरिएको बाटो भत्तकाएर साविकै बाटो कायम हुने गरी नगरपालिकाले शुक्रबार डोजर चलाएको हो ।

विगत केही समयदेखि कैलाश खबर डटकमले सार्वजनिक जग्गामा व्यक्तिले गरेको रजाईप्रति खबरदारी गर्दा केही भू–माफियाले खिसीट्यूरी गरेका थिए ।सूर्यविनायक नगरपालिका वडा नं ७ का वडा अध्यक्ष तथा नगर प्रवक्ता रविन्द्र सापकोटालाई कैलाश खबरले सार्वजनिक जग्गामा व्यक्तिको रजाई किन भनेर प्रश्न गर्दा उहाँले सार्वजनिक जग्गामा रजाई गर्नेलाईकारबाही गर्ने, जग्गा रोक्का गर्ने र मुद्दा दर्ता समेत गर्नपछि नपर्ने प्रतिक्रिया दिनुभएको थियो ।

उहाँले कैलाश खबरलाई दिएको उक्त प्रत्तिबद्धता पुरा गर्दै सार्वजनिक जग्गामा निर्माण गरिएको बाटो पूर्ण रुपमा बन्दगरी साविककै बाटो प्रयोगमा आएको जानकारी दिनुभयो । प्रवक्ता सापकोटाले केही भू–माफियाले आर्थिक प्रलोभनमा परी उक्तबाटो निर्माण गर्नु स्वीकार्य नभएको बताउँदै सार्वजनिक जग्गा मिचेर बाटो निर्माण गर्नेलाई हत्कडी समेत लगाउनपछि नपर्ने प्रतिक्रिया दिनुभयो ।

सार्वजनिक जग्गामा निर्माण गरिएको बाटामा डोजर चलेपछि जनप्रतिनिधिले साच्चै जनताको पक्षमा काम गर्ने रहेछन् भन्ने कुरा प्रमाणित भएको पर्यटन व्यवसायी रामजी अवालले बताउनुभयो । उहाँले वडा जनप्रतिनिधि आर्थिक प्रलोभनमा परेर बाटो बनेको हो भनेर भन्नेहरुलाई जनप्रतिनिधिले गतिलो जवाफ दिएकोमा आफूलाई खुशी लागेको बताउनुभयो ।

पर्यटन व्यवसायी अवालले जनाताको पक्षमा कलम चलाउने कैलाश खबरको खबरदारी पनि आफूलाई मन परेको बताउँनुभयो । नेपाल प्रहरी र सूर्यविनायक नगर प्रहरीको रोहोबरमा बाटोमा सार्वजनिक जग्गामा बनाइएको बाटो शुक्रबार भत्काइएको हो ।