- ४ जेष्ठ २०८३, सोमबार / May 18, 2026
भिवंडी, ३० चैत्र । श्री मुग्लानी एकता सेवा समाज, भिवंडीको आयोजनामा नव वर्ष २०८३ सालको शुभकामना आदान–प्रदान तथा भेटघाट कार्यक्रमकाे आयोजना हुँदै छ । समाजको सामाजिक एकता, आपसी सद्भाव र सांस्कृतिक पहिचानलाई मजबुत बनाउने उद्देश्यले कार्यक्रम आयोजना हुँने समाजले जनाएकाे छ ।
कार्यक्रममा प्रमुख अतिथि, विशेष अतिथि तथा समाजका पदाधिकारीहरूको उपस्थिति रहँने र समाजका अध्यक्ष, उपाध्यक्ष, सचिव, कोषाध्यक्ष तथा अन्य कार्यसमिति सदस्यहरूले नव वर्षको शुभकामना व्यक्त गर्दै समाजको भावी योजना र उद्देश्यबारे आफ्नाे धारणा राख्ने समाजले जनाएकाे छ ।
कार्यक्रममा विभिन्न सांस्कृतिक प्रस्तुति, गायन, नृत्य तथा मनोरञ्जनात्मक कार्यक्रमहरू प्रस्तुत हुने र कलाकार तथा मोडलहरूको आकर्षक प्रस्तुतिले थप उत्साह र रौनक थप्ने जनाइएकाे छ। कार्यक्रममा समाजका सदस्यहरू, शुभेच्छुकहरू तथा स्थानीय बासिन्दाहरूको उल्लेखनीय सहभागिता रहने जनाइएकाे छ ।
सहभागीहरूले यस्ता कार्यक्रमले समाजभित्र एकता, सहकार्य र आपसी सम्बन्ध अझ प्रगाढ हुने विश्वास व्यक्त गरेका छन्। कार्यक्रम अझै जारी रहेको र आगामी सत्रहरूमा थप आकर्षक कार्यक्रमहरू प्रस्तुत गरिने आयोजक संस्थाले जानकारी दिएको छ।
