- २६ असार २०८३, शुक्रबार / Jul 10, 2026
काठमाडौं, २ भदौ । आज २०८२ सालको भदौ २ गते सोमबार, भाद्र कृष्ण पक्षको दशमी तिथि पर्छ । हिन्दू धर्मअनुसार सोमबार भगवान शिवलाई समर्पित विशेष दिन मानिन्छ ।
देवाधिदेव महादेवको पूजा र व्रत सोमबार गरिन्छ, जसमा श्रद्धालुहरू उपवास बसी शिव र पार्वतीको आराधना गर्छन् । सोमबारको व्रत सूर्य उदयसँगै सुरु भई सूर्यास्तपछि सम्पन्न हुन्छ । पूजापछि मात्र बेलुका भोजन गरिन्छ ।
व्रतको सुरुवातमा सधैं गणेशको पूजा अनिवार्य मानिन्छ, त्यसपछि मात्र शिव-पार्वतीको पूजा गरिन्छ । धार्मिक मान्यता अनुसार सोमबारको व्रतले भक्तजनको मनोकांक्षा पूरा हुने, ज्ञान प्राप्त हुने, र अविवाहित महिलाले आदर्श जीवनसाथी पाउने विश्वास रहिआएको छ ।
