इजरायली आक्रमणको अरव लिगद्वारा निन्दा

एजेन्सी । इजरायली आक्रमणको अरव लिगले निन्दा गरेको छ । एएलका महासचिव अहमद अबोल–घितले लेबनानको नाबातीह नगरपालिकाका भवनहरूमा गरेको इजरायली आक्रमणको निन्दा गरेका हुन ।

गाजा पट्टीको अवस्था सबै कल्पनाभन्दा बाहिर गएको कुरामा जोड दिँदै अबोल–घितले लेबनानमा गाजाको अवस्था दोहोरिन नदिन अन्तर्राष्ट्रिय समुदायलाई आग्रह गरेका छन् ।

इजरायली लडाकु विमानले नाबातीह नगरपालिकाको भवन र नगरपालिकाको संघको भवनमा चारवटा क्षेप्यास्त्र प्रहार गर्दा मेयर अहमद काहिलसहित ६ जनाको ज्यान गएको थियो भने ४३ जना घाइते भएका छन् ।