- ४ आश्विन २०८३, आईतवार / Sep 20, 2026
भक्तपुर । भक्तपुर प्रहरीले दुई जनालाई पक्राउ गरेको छ । भक्तपुरको चाँगुनारायण नगरपालिका वडा नं ३ मा दराज फुटाई चोरी गरी भाग्दै गरेको अवस्थामा दुईजनालाई प्रहरीले पक्राउ गरिएको हो ।
स्थानीय भुवन खत्रीको घरमा चोरी भएको खवर प्राप्त हुनासाथ तत्काल प्रहरी प्रभाग व्यासीको टोलीले उनीहरुलाई पक्राउ गरेको भक्तपुर प्रहरीले जनाएको छ । उनीहरुलाई हाल जिल्ला प्रहरी परिसर भक्तपुरमा राखिएको छ ।
घटनास्थलमा परिसर भक्तपुरबाट अनुसन्धान अधिकृत सहितको प्रहरी टोलीले प्रारम्भिक अनुसन्धान गरिरहेको छ । पक्राउ पर्नेमा ओखलढुंगा जिल्ला घर हाल काठमाण्डौं जिल्ला टेकु बस्ने राजेश भुजेल । काभ्रेपलान्चोक जिल्ला बनेपा नगरपालिका वडा नं ६ बस्ने समिर श्रेष्ठ रहेका छन् ।
उनीहरुको साथबाट सुनको चुरा ३ थान, सुनको चन्द्रमा–१ थान, सुनको औठी–१ थान, सुनको नेक्लेस–१ थान, सुनको कानमा लगाउने मुन्द्रा–१ थान, तिलहरी– १ थान,सुनको पुतली–१ थान, सुनको रानीहार–१ थान, चाँदीको पाउजु–१ जोर, नगद रकम रु १ हजार २ सयम ६६ रुपैयाँ, ताल्चा फुटाउन प्रयोग गर्ने फलामको छिनो–१ थान प्रहरीले बरामद गरेको छ ।
