- २९ श्रावण २०८३, शुक्रबार / Aug 14, 2026
काठमाडौँ, १५ मंसिर । द काउन्सिल अफ जेनजीका संयोजक सुदन गुरुङले नेकपा एमालेले पोखरामा आयोजना हुन लागेको जेनजीको कार्यक्रम बिथोल्ने प्रयास गरेको आरोप लगाएका छन् । सामाजिक सञ्जालमार्फत प्रतिक्रिया दिँदै उनले आफू पोखरा जाने जानकारीपछि केही समूहसहित एमाले कार्यकर्ता कार्यक्रम अवरुद्ध गर्न सक्रिय रहेको दाबी गरे ।
गुरुङका अनुसार जेनजी भाइ–बहिनीहरूको संगठन मजबुत बनाउन तथा पोखराका देशप्रेमी आमाबुबा र दाजुभाइ–दिदीबहिनीलाई भेट्न उनी टोलीसहित पोखरा निस्किएका थिए । तर, आफ्नो आगमनको सूचना पाएपछि कार्यक्रममा व्यवधान पुर्याउने प्रयास बढेको उल्लेख गरेका छन् ।
‘हामी आउँदैछौँ भन्ने थाहा पाएपछि केही समूह र एमाले कार्यक्रम बिथोल्ने अथक प्रयास गरिरहेको खबर पाएँ,’ उनले लेखेका छन् । यद्यपि, उनले यस्तो गतिविधिले आफ्नो मिशन र अभियान नरोकिने चेतावनी पनि दिए ।उनले भने, ‘हिजो देशका लागि लडेर आएका हौं, आज अरूसँग सामना गर्न डराउने प्रश्नै छैन ।’
