हत्या गरेको अवस्थामा भेटिएकी युवतीको शव सनाखत, २१ वर्षीया सुमना

काठमाडौं । हत्या गरेको अवस्थामा भेटिएको शव धरान उपमहानरपालिका १६ निवासी महेन्द्र श्रेष्ठकी २१ वर्षीया छोरी सुमना श्रेष्ठको भएको जिल्ला प्रहरी कार्यालय सुनसरीका डीएसपी नवीनकृष्ण भण्डारीले बताएका छन् ।

बीपी कोइराला स्वास्थ्य विज्ञान प्रतिष्ठा र डिपोट स्कुलबीचको एकान्त ठाउँमा बुधबार दिउँसो घाँटी रेटेर हत्या गरेको अवस्थामा शव फेला परेको थियो।

बुधबार साँझ अभिभावक आएर शवको सनाखत गरेको बताउँदै थप अनुसन्धान भइरहेको उनले बताए। युवती धरानकै एक कलेजमा कक्षा १२ मा अध्ययनरत थिइन् । उनको हत्या कसले र किन गर्यो भन्ने खुलेको छैन।