सर्वोच्च अदालतमा मंगलबारदेखि रिट निवेदन दर्ता खुल्ने

काठमाडौँ, २६ असाेज । भदौ २४ गते भएको सर्वोच्च अदालतमा आगजनी, ढुङ्गामुढा, तोडफोड र लुटपाट घटनापछि ठुलो क्षति भएपछि स्थगित रहेका सेवाहरू असोज २८ गतेदेखि आंशिक रूपमा सुचारु हुने भएका छन्।

असोज २६ गते बसेको पूर्ण बैठकको निर्णय अनुसार, हालसम्म बन्दी प्रत्यक्षीकरणका निवेदन तथा अत्यावश्यक निवेदनको दर्ता र सुनुवाइ मात्र भइरहेकोमा अब असोज २८ गते (मंगलबार) देखि: रिट निवेदनहरू, मुलुकी देवानी कार्यविधि संहिता, २०७४ को दफा १५७ का निवेदनहरू, मुलुकी फौजदारी कार्यविधि संहिता, २०७४ का दफा ७३, १३७ र १५५ का निवेदनहरू,दर्ता र सुनुवाइ हुनेछन्।

सर्वोच्च अदालतका प्रवक्ता अर्जुनप्रसाद कोइरालाले भने, अन्य सम्पूर्ण सेवाहरू अर्को सूचना जारी नभएसम्मका लागि स्थगन नै रहने जानकारी दिए।