- १९ कार्तिक २०८३, बिहीबार / Nov 5, 2026
गुल्मी । आजदेखि २७ दिनसम्म रिडी–तम्घास सडक दैनिक १२ घण्टा बन्द हुने भएको छ । रिडीदेखि बलेटक्सारसम्मको २३ किलोमिटर क्षेत्रमा चट्टान फोर्न र ग्रेड मिलाउने कार्य भइरहेकोले ३० गतेसम्म सडक १२ घण्टा बन्द हुने भएको हो ।
बिहान १० बजेदेखि अपराह्न ४ बजेसम्म र राति १० बजेदेखि बिहान ४ बजेसम्म बन्द हुने मदन भण्डारी राजमार्ग योजना कार्यालय तम्घासले जनाएको छ ।
सडक बन्द भएसँगै वैकल्पिक सडक प्रयोग गरेर यात्रा गर्न मदन भण्डारी राजमार्ग योजना कार्यालय गुल्मीले आग्रह गरेको सूचना अधिकारी इन्जिनियर शर्मिला शर्माले बताइन् ।
