फेवा महोत्सवका अवसरमा पर्यटकलाई होटलमा २० प्रतिशत छुट

पोखरा । चैत २९ देखि आगामी बैशाख १ गतेसम्म आयोजना गर्ने १९औँ फेवा नव वर्ष महोत्सवका अवसरमा होटल व्यवसायीले २० प्रतिशत छुट दिने घोषणा गरेका छन् ।

महोत्सवका अवसरमा संघ अन्तर्गतका होटलले आफ्नो प्रकाशित दररेटमा पाहुनालाई २० प्रतिशतसम्म छुट दिने गरी तयारी गरेका छन् ।

महोत्सवको तयारीका लागि विभिन्न २१ वटा उपसमिति गठन गरिएको संघका उपाध्यक्ष दीपक श्रेष्ठले बताए ।

महोत्सव प्रचारप्रसारको मुख्य जिम्मेवारी संघका महासचिव राजेन्द्र ढकाललाई दिइएको छ ।

पोखरालाई पर्यटकीय राजधानी घोषणा गरिनुलाई सकारात्मक रुपमा लिएको संघले जनाएको छ।