- ६ आश्विन २०८३, मंगलवार / Sep 22, 2026
हुम्ला । राष्ट्रिय सडक सञ्जालको पहुँच नपुगेको हुम्लाका नागरिकलाई जहाज टिकटका लागि लाइन बस्नु बाध्यता रहेको छ । दसैँ तिहार नजिकिए सँँगै जिल्लाबाट बाहिर जाने जहाज टिकट नपाउँदा सरकारी स्वामित्व रहेको नेपाल वायु सेवा निगमको जहाज टिकटको लागि रातीको २ बजेदेखि लाइन बस्न बाध्य छन् ।
नेपाल वायु सेवा जहाज निगमको जहाजले उडान कम गरेपछि हुम्लाबाट नेपालगन्ज सुर्खेत झर्न यात्रुलाई सास्ती भएको हो । निजी एयरलाइन्स समिट दैनिक एक दुई उडान भरेपछि चाप थेग्न गाह्रो देखिएको छ । सीता, ताराले नियमित उडान नभरेपछि समस्या भएको हो ।
नेपाल एयरलाइन्सका कार्यालयमा २ बजेबाट लाईनमा बसेको विकुल रोकायाले बताए । जहाजको टिकटको लागि कुर्दाकुदै दसैँ मनाउन नेपालगन्ज झर्न नपाएको चंखेली गाउँपालिका ४ का अर्जुन रावलले बताए । तारा,सीता, एयरलाइन्सका जहाजहरू पूर्व तर्फ केन्द्रित भएपछि बर्सेनि हुम्लि नागरिकहरूले नेपालगन्ज , सुर्खेत झर्न समस्या हुने गरेको स्थानीयको भनाइ छ।
