- ७ असार २०८३, आईतवार / Jun 21, 2026
काठमाडौं । भारतको एक मन्दिरमा भागदौड मच्चिदा सात जनाको मृत्यु भएको छ भने नौ जना घाइते भएका छन् । बिहार जेहनाबाद जिल्लाको मखदुमपुरस्थित बाबा सिद्धनाथ मन्दिरमा उक्त दुःखद् घटना भएको हो ।
बाबा सिद्धनाथ मन्दिरमा भएको भागदौडमा मृतक तथा घाइतेको पुष्टि गर्दै हाललाई स्थिति नियन्त्रणमा रहेको जिल्ला प्रशासक अलङ्कृता पाण्डेले बताए । शवहरू पोस्टमार्टमका लागि पठाइएको जेहानाबादका प्रहरी प्रमुख दिवाकर कुमार विश्वकर्माले बताए ।
घटना प्रति दुखः व्यक्त गर्दै उचित व्यवस्था सुरक्षा हुदाँहुदै पनि दुखदः घटना घट्न पुगेको उनको भनाइ छ । घटनाका बारे थप अनुसन्धान भइरहेको छ ।
