- ३१ आश्विन २०८३, शनिबार / Oct 17, 2026
काठमाडौँ । उपत्यका सहित देशैभर चिसो बढ्ने भएको छ । अबको एक सातापछि काठमाडौँ सहित देशैभर चिसो बढ्ने भएको हो । “भारतको मौसम विज्ञान विभागले नै अब नोभेम्भर ९ तारिकपछि चिसो बढ्ने सम्भावना रहेको पूर्वानुमान गरेको छ”, भने जलवायु तथा विपद् व्यवस्थापनविद्हरुले नोभेम्बर ९ पछि ३ डिग्री सेल्सियससम्म तापक्रम घटेर चिसो बढ्ने बताएका छन् ।
चिसोयाम सुरु भएपछि मानिसलाई दम, रुघाखोकी, ज्वरोलगायत समस्या उब्जने तथा चिसोको समयमा विभिन्न रोगका जिवाणु हावामा लामो समयसम्म बाँच्न सक्ने भएकाले सतर्कता अपनाउनुपर्नेमा जनस्वास्थ्यविद्हरुले सुझाव समेत दिएका छन् ।
शुक्रबार रातिसम्म काठमाडौँको तापक्रम १६ डिग्रि सेल्सियस रहेको छ भने शनिबार मुलुकका केही स्थानमा हल्का वर्षासमेत भएकाले चिसो महसुस भएको जल तथा मौसम पूर्वानुमान महाशाखाले जनाएको छ ।
