अस्पतालका फार्मेसीले बिरामीलाई औषधि छैन भनेर बाहिर किन्न पठाए कारबाही गर्ने

भक्तपुर । स्वास्थ्य तथा जनसङ्ख्यामन्त्री प्रदीप पौडेलले सरकारी अस्पतालमा भएका उपकरण बिग्रियो पञ्छिन नपाइने बताएका छन् ।
भक्तपुरमा भएकोे कार्यक्रममा बोल्दै मन्त्री पौडेलले हप्तौँसम्म नबनाउने र बिरामीलाई बाहिर जान बाध्य पार्ने कार्य गरेको कारबाहीको भागिदार बन्ने बताएका हुन ।

उनले अस्पतालका उपकरण बिग्रिए तत्कालै अस्पतालमै अर्को विकल्प दिनुपर्ने बताउँदै अस्पतालका उपकरण नबिग्रिकन बिग्रियो भन्ने अवस्थाको पनि अन्त्य हुनुपर्ने बताए।

कुनै पनि सरकारी अस्पतालका फार्मेसीले बिरामीलाई औषधि छैन भनेर बाहिर किन्न पठाए कारबाही गर्ने समेत उनले बताएका छन्।