- ६ असार २०८३, शनिबार / Jun 20, 2026
काठमाडौं । लागुऔषध कारोबारी दुई भारतीयलाई प्रहरीले पक्राउ गरेको छ । झापामा प्रहरीले गोली प्रहार गरी लागुऔषध कारोबारी दुई भारतीय नागरिकलाई पक्राउँ गरेको हो ।
वीआर ३७ एए ८४९८ नम्बरको मोटरसाइकलमा लागुऔषध ओसारपसार गरिरहेको अवस्थामा प्रहरीले रोकेर जाँच गर्ने क्रममा भाग्न खोज्दा उनीहरूमाथि गोली चलाउनु परेको प्रहरीले जनाएको छ ।
पक्राउ पर्नेमा भारतको बिहार राज्यको डिगल बैंक थाना घर भएका २८ वर्षीय अन्जार आलम र उनका भाई १९ वर्षीय यूसुब आलामलाई गोली चलाएर पक्राउ गरेको जिल्ला प्रहरी कार्यालय झापाले जनाएको छ ।
झापाको कनकाई नगरपालिका– ४ स्थित भित्री सडकखण्डमा प्रहरीले गोली प्रहार गरी पक्राउ गरेको जनाएको छ ।
भाग्ने क्रममा घुडाँमुनी गोली लागेर घाइते भएका मोटरसाइकल चालक अन्जार आलमको प्रादेशिक अस्पताल भद्रपुरमा उपचार भइरहेको झापा प्रहरीले जनाएको छ । उनीहरूको साथबाट प्रतिबन्धित लागुऔषध ब्राउन सुगर ६३ मिलिग्राम फेला परेको प्रहरीले जनाएको छ ।
