- २९ श्रावण २०८३, शुक्रबार / Aug 14, 2026
एजेन्सी । नवनियुक्त बेलायती प्रधानमन्त्री केयर स्टारमरको मन्त्रिमण्डलले पूर्णता पाएको छ । रेचल रिब्ज बेलायतको पहिलो महिला अर्थमन्त्री बनेकी छिन्। स्टारमरले एन्जेल रेनरलाई उपप्रधानमन्त्रीको जिम्मा दिएका छन्।
६५० सदस्य रहेको बेलायतको संसदमा लेबर पार्टीले ४ सय १२ सिटमा जित हासिल गरेको छ । लगातार १४ वर्ष सत्तामा रहेको कन्जरभेटिभ पार्टी कमजोर अंकका साथ सत्ताबाट बाहिरिएको छ ।
विदेश मन्त्रालयको जिम्मेवारी डेभिड ल्यामीलाई दिइएको छ। यिवेट कुपरले गृह मन्त्रीको जिम्मा दिइएको छ । जोन हेली रक्षामन्त्री बन्दा शबाना महमुदलाई न्यायमन्त्रीको जिम्मेवारी दिइएको छ । बेलायतमा लेबर पार्टी १४ वर्षपछि सत्तामा फर्किएको हो।
