- ६ असार २०८३, शनिबार / Jun 20, 2026
काठमाण्डौ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले नागरिकलाई शीतलहरबाट जोगाउन प्रमुख जिल्ला अधिकारीहरुलाई पत्राचार गरेको छ ।
सप्तरी, झापा, मोरङ र सुनसरीमा चलिरहेको मन्द शीतलहरबाट नागरिकलाई जोगाउँन प्राधिकरणले पत्राचार गरेको हो । शीतलहर तथा हुस्सु कुहिरोको समस्या बढेकोले तराईसहित सबै जिल्लाका प्रमुख जिल्ला अधिकारीहरुलाई पात्राचार गरेको प्राधिकरणले जनाएको छ ।
हिमपातको जोखिम न्यूनीकरण र पूर्वतयारी कार्ययोजना–२०८१ को प्रभावकारी कार्यान्वयन गर्न प्रमुख जिल्ला अधिकारीहरूको ध्यानाकर्षण गराएको छ । पछिल्ला केही दिन बढेको तापक्रम फेरि घट्न थालेको छ । उच्च चापीय प्रणालीका कारण केही दिनअघि बढेको तापक्रम शुक्रवारदेखि भने घट्न थालेको मौसम पूर्वानुमान महाशाखाका मौसमविद्ले जनाएको छ्न ।
कोशी, मधेस, बागमती, गण्डकी र लुम्बिनी प्रदेशका तराई क्षेत्रमा पनि दिनभरि जसो हुस्सु र कुहिरो लाग्दा जनजीवन प्रभावित भएको छ । अबको तीन दिन वर्षा गराउने र हिमपात हुने प्रणाली नभएको तर तराई क्षेत्रमा शीतलहर तथा बाक्लो हुस्सु र कुहिरोको प्रभाव यथावत रहने मौसमविद्को भनाई छ ।
शीतलहरका कारण स्वास्थ्य, यातायात, शिक्षा, कृषि तथा मानिसहरुको दैनिक जीवनमा असर पर्ने हुनाले सतर्कता अपनाउन पनि विभागले अनुरोध गरेको छ ।
