- ३१ आश्विन २०८३, शनिबार / Oct 17, 2026
काठमाडौं । माध्यमिक शिक्षा परीक्षा (एसईई) शुरु भएको छ। परीक्षा तालिकाअनुसार पहिलो दिन अनिवार्य अङ्ग्रेजी तथा संस्कृत वेदविद्याश्रमतर्फ अनिवार्य संस्कृत रचना र मदरसातर्फ अनिवार्य अरेबिक भाषा विषयको परीक्षा सञ्चालन भएको छ ।
बिहान ८ बजे शुरु भएको परीक्षा ११ बजेसम्म चल्नेछ। राष्ट्रिय परीक्षा बोर्ड, परीक्षा नियन्त्रण कार्यालयका अनुसार यो वर्षपाँच लाख १४ हजार ७१ जना विद्यार्थी सहभागी हुँदैछन्। देशभरका दुई हजार ७९ केन्द्रमा परीक्षा सञ्चालन भइरहेको छ।
यस वर्षको माध्यमिक शिक्षा परीक्षामा पाँच लाख १४ हजार ७१ जना विद्यार्थी सहभागी भएको बोर्डले जनाएको छ । गत वर्ष २०८० को एसइई परीक्षामा चार लाख ६४ हजार ७८५ जना विद्यार्थी सहभागी भएका थिए । यस वर्षको परीक्षामा विद्यार्थीको सङ्ख्या ४९ हजार २८६ जना बढेको छ ।
परीक्षामा १५० जनासम्म परीक्षार्थी भएको केन्द्रमा एकजना सहायक केन्द्राध्यक्ष र २० जना विद्यार्थी बराबर एकजना निरीक्षक खटाउने प्रबन्ध गरिएको छ । परीक्षामा ७५ जनाभन्दा कम परीक्षार्थी भएको केन्द्रमा सहायक केन्द्राध्यक्ष नराखिएको कार्यालयले जनाएको छ । विहीबार देखि सुरु भएर यही चैत १९ गतेसम्मरीक्षा सञ्चालन हुनेछ ।
