गोली प्रहारबाट तीन जनाको हत्या

एजेन्सी । नेदरल्याण्ड्समा गोली चल्दा तीन जनाको ज्यान गएको छ । नेदरल्याण्ड्सको रोटरडम शहरमा एक व्यक्तिले अन्धाधुन्ध गोली चलाउँदा तीनजना मारिएका हुन्। सञ्चारमाध्यमका अनुसार राजधानी एम्स्टर्डमबाट ८० किलोमिटर टाढा रहेको रोटरडम शहरमा मारिनेमा ३९ वर्षीया महिला, उनकी१४ वर्षकी छोरी र ४३ वर्षीय एक प्राध्यापक छन् ।

हत्या लगतै ३२ वर्षीय बन्दुकधारीले नजिकैको स्वास्थ्य केन्द्र इरास्मस मेडिकल सेन्टरमा प्रवेश गरेर अर्का एक व्यक्तिको हत्या गरेका थिए । ती बन्दुकधारी व्यक्ति उक्त अस्पतालसँग सम्बद्ध इरास्मस विश्वविद्यालयका विद्यार्थी रहेको बताइएको छ ।

प्रहरीले बन्दुकधारीलाई नियन्त्रणमा लिएर अनुसन्धान अगाडी बढाएको छ ।