- ६ असार २०८३, शनिबार / Jun 20, 2026
चितवन । गौरव र गरिमामय प्रस्तुती रहेको रत्ननगर महोत्सव टिकोली चौरमा सुरु भएको छ । १२औं संस्करण महोत्सवको राष्ट्रियसभाका अध्यक्ष गणेशप्रसाद तिमिल्सिनाले विशेष समारोहका बीच उद्घघाटन गरेका हुन ।
पर्यटनको विकासको लागि नयाँ गन्तव्यको पहिचान र धार्मिक पर्यटनको विकासलाई जोड दिइएको महोत्सवमा कृषि क्षेत्रको विकासका लागि मकै बालीको संरक्षण र उत्पादनलाई प्राथमिकता दिइएको छ ।
मकै बालीको संरक्षण र प्रर्वद्धनको लागि महोत्सवस्थलमा मकै वाली स्थापना तथा मकैको स्टाचु निर्माण गरिएको छ । महोत्सवमा रामपुर मकैबाली अनुसन्धान केन्द्रबाट २० प्रजातीका मकैको वारेमा जानकारी गराइने छ ।
महोत्सव स्थलमा मकै वाली, केरा बगान, च्याउको टनेल र माछा पोखरी निर्माण गरिएको छ । महोत्सवको कृषि परिसर, सांस्कृतिक घर र खगेरीमा मोटरबोट मुख्य आकर्षण रहेको छ ।
