टिमुरे ताल पर्यटकको पर्खाईमा

यतिबेला गुल्मीको टिमुरे ताल आन्तरिक पर्यटकको आकर्षणको केन्द्र बनेको छ । टिमुरे ताल न्द्रकोट गाउँपालिका वडानम्बर–४ रेमीमा पर्दछ ।यहाँबाट धौलागिरी, माछापुच्छ्रे लगायतका हिम–शृङ्खला, रेसुङ्गाजस्ता पर्यटकीय स्थलका साथै अन्य ठाउँहरु सहजै अवलोकन गर्न सकिन्छ ।

दशैं–तिहारको बिदामा घुम्नका लागि उपयुक्त गन्तव्य रहेको यस ठाउँमा पछिल्लो पटक विदेशी पर्यटक टिमुरे ताल घुम्न पुगेका छन् । टिमुरे होमस्टे र टिमुरे ताललाई जोड्दै पर्याप्त प्रचार भने गर्न नसकेको पर्यटकहरु बताउँछन् । यसको सम्भावना धेरै भएपनि स्थानीय तहले ध्यान नदिएको गुनासो उनीहरुको छ ।

अहिले गाउँपालिकाले विभिन्न संरचना र संरक्षणका निम्ति कार्य गर्दै आएको चन्द्रकोट गाउँपालिका अध्यक्ष युवराज केसीले बताए । पालिका भित्रको उपयुक्त पर्यटकीय गन्तव्य भएकाले यसलाई महत्व दिएर प्रवर्द्धनको काम गर्ने केसीको भनाइ छ ।

समुद्र सतहबाट २२ सय मिटर उचाइमा रहेको टिमुरे तालमा शान्तिपुर बजारबाट पैदल ३ घण्टा र गाडीमा ४५ मिनेटमा पुग्न सकिन्छ ।