ट्रम्पको धम्कीको जवाफमा सी जिनपिङको कूटनीतिः भियतनामलाई विरोधमा उभिन आह्वान

एजेन्सी । अमेरिकासँग चुलिँदो व्यापार तनावबीच चिनियाँ राष्ट्रपति सी जिनपिङले भियतनामलाई ‘एकपक्षीय धम्की’को विरोध गर्न आग्रह गरेका छन्।

अहिले दक्षिणपूर्वी एशियाको भ्रमणमा रहेका सीले भियतनामी कम्युनिस्ट पार्टी महासचिव तो लामसँगको भेटमा स्वतन्त्र र निष्पक्ष व्यापारको पक्षमा उभिन आह्वान गरेका हुन्।

यद्यपि सीले अमेरिकाको नाम लिएका छैनन्, सन्देश स्पष्ट छ—ट्रम्प प्रशासनको उच्च भन्सार नीतिको प्रत्यक्ष विरोध। ट्रम्प सरकारले चिनियाँ आयातमा १४५ % सम्म भन्सार शुल्क लगाएको छ भने, चीनले पनि १२५% भन्सार लगाएर प्रतिउत्तर दिएको छ। यही व्यापार युद्धको घेरामा भियतनामलाई पनि तान्ने प्रयास भइरहेको देखिन्छ।