- २६ असार २०८३, शुक्रबार / Jul 10, 2026
अमेरिका, ११ जेठ । अमेरिकी राष्ट्रपति डोनाल्ड ट्रम्पले अमेरिकी वार्ताकारहरूलाई इरानसँग हतारमा कुनै पनि सम्झौता नगर्न निर्देशन दिएका छन्। उनले सामाजिक सञ्जाल ‘ट्रुथ सोसल’मार्फत सम्झौता पूर्ण रूपमा प्रमाणित र हस्ताक्षर नभएसम्म नाकाबन्दी कायम रहने स्पष्ट पारेका छन्।
ट्रम्पका अनुसार सम्झौता नभएसम्म नाकाबन्दी पूर्ण रूपमा प्रभावमा रहनेछ। यसले अमेरिका–इरान सम्बन्धमा जारी तनाव अझै कायम रहने संकेत गरेको छ।
यसअघि फेब्रुअरी २८ मा अमेरिका–इजरायलले सुरु गरेको आक्रमणको जवाफस्वरूप इरानले स्ट्रेट अफ हर्मुज हुँदै हुने व्यापारिक आवतजावतमा असर परेको बताइएको थियो। त्यसपछि अमेरिका पक्षबाट अप्रिल १३ देखि इरानी बन्दरगाहहरूमा नाकाबन्दी लगाइएको दाबी गरिएको छ।
यता, अमेरिका र इरानबीच नयाँ युद्धविराम सम्झौताका लागि खाका तयार भइरहेको समाचार बाहिरिएको छ। यद्यपि ह्वाइट हाउसले औपचारिक विवरण सार्वजनिक गरेको छैन।
इरानको विदेश मन्त्रालयका प्रवक्ता इस्माइल बघाईले सरकारी टेलिभिजनमार्फत दुई पक्ष १४ बुँदे समझदारीपत्र (मेमोरान्डम अफ अन्डरस्ट्यान्डिङ) अन्तिम चरणमा पुगेको बताएका छन्।
