दार्चुलाबाट धनगढीतर्फ गइरहेको जिप डोटीको जोरायलमा दुर्घटना, दुईजनाको मृत्यु, सात घाइते

डोटी । डोटीमा जिप दुर्घटना हुँदा दुईजनाको ज्यान गएको छ । दुर्घटनामा सात जना घाइते भएका छन् । बिहान भएको दुर्घटनामा दार्चुलाको लेकम गाउँपालिका–४ पैतोलीकी ४० वर्षीया धौलीदेवी धामीको घटनास्थलमै र सोही वडाकी तीन वर्षीया बालिका रीतिका पार्कीको उपचारका क्रममा मृत्यु भएको जिल्ला प्रहरी कार्यालय डोटीले जनाएको छ ।

दुर्घटनामा घाइते भएका अन्यको स्थानीय स्वास्थ्यचौकीमा उपचार भइरहेको छ । उक्त जिपमा चालकसहित नौजना सवार थिए । दार्चुलाबाट धनगढीतर्फ गइरहेको यात्रुवाहक जिप डोटीको जोरायल गाउँपालिका–१ खडिनामा दुर्घटना भएको हो ।