- २७ असार २०८३, शनिबार / Jul 11, 2026
काठमाण्डौ । म्यानमारको मेवाडीबाट दुई जना नेपालीको उद्धार गरिएको छ । थाइल्यान्डको बैंककमा रहेको नेपाली राजदूतावासले दुईजनाको उद्धार गरेको हो ।
दूतावासले नेपाल सरकारले तोकेका मापदण्ड बमोजिम श्रम स्वीकृति लिएर मात्र वैदेशिक रोजगारीमा जान तथा कसैको प्रलोभनमा परी छिटो, धेरै पैसा कमाउने उद्देश्यले कम्मोडिया लाओस, म्यानमार र थाइल्यान्डलगायतका देशमा वैदेशिक रोजगारीमा नआउन आग्रह गरेको छ ।
अनलाइन ठगीको काममा लगाइएका उनीहरूलाई मेवाडीबाट उद्धार गरी टाक इमिग्रेसन अफिस मेसोट हुँदै थाइल्यान्ड ल्याई नेपाल फर्काइएको दूतावासले जनाएको छ । यसअघि दूतावासले गएको शुक्रवार मेवाडीबाट पाँच जना नेपालीको उद्धार गरेको थियो ।
