काठमाडौंबाट दुई जना पक्राउ

काठमाडौँ । काठमाडौं प्रहरीले दुई जनालाई नियन्त्रणमा लिएर अनुसन्धान सुरु गरेको छ। हनुमानढोकास्थित सानो पशुपतिनाथ मन्दिरअगाडि एक युवक मृत भेटिएको प्रकरणमा दुइजनालाई पक्राउ गरेको हो ।

आक्रमण तथा कुटपिटबाट उनको मृत्यु भएको अनुसन्धानमा देखिएपछि घटनामा संलग्न रहेको आरोपमा २ जना पक्राउ गरिएको जिल्ला प्रहरी परिसर काठमाडौँले जनाएको छ ।

हातमा सुजन शाक्य नाम लेखेका ३१ वर्षीय एक युवक आज मृत अवस्थामा भेटिएका थिए। उक्त घटनामा झापाका सागर महतरा र रामेछापका सन्तोष शंकर पक्राउ परेका छन्। उनले मृतकको शरीरमा चोटपटक पनि देखिएको जानकारी दिए। सिसी टिभी फुटेजबाट मान्छे पहिचान भएको हो।