- ११ कार्तिक २०८३, बुधबार / Oct 28, 2026
काठमाण्डौ । गण्डकी प्रदेशको एक–दुई ठाउँमा सामान्य पानी परेको छ । पछिल्लो १२ घण्टामा स्याङ्जाको स्याङ्जा स्टेशनमा ७ मिलिमिटर वर्षा भएको छ । म्याग्दीको मुना स्टेशनमा १२ घण्टामा ३ दशमलव ४ मिलिमिटर वर्षा भएको छ ।
विशेषगरी पश्चिम क्षेत्रका कर्णाली र सुदूरपश्चिमका थोरै ठाउँमा पानी पर्ने पूर्वानुमान छ । देशका उच्च पहाडी तथा हिमाली क्षेत्रमा हल्का हिमपात हुनेछ । मधेशमा मौसम आंशिक बदली भए पनि वर्षाको सम्भावना नरहेको मौसमविद्ले बताएका छन् ।
भोलि दिउँसोपछि मौसममा क्रमिक सुधार हुँदै जानेछ । गण्डकी प्रदेशका प्रायः सबै जिल्लाका केही ठाउँमा छिटपुटदेखि सामान्य वर्षा भएको मौसम पूर्वानुमान महाशाखाले जनाएको छ ।
यसैबीच काठमाण्डौ उपत्यकासहित बागमती, कोशी, गण्डकी, लुम्बिनी, कर्णाली र सुदूरपश्चिम प्रदेशमा मौसम बदली भएको छ । यी प्रदेशका केही ठाउँमा आज राति फाटफुट पानी पर्ने सम्भावना रहेको मौसमविद्लेबताएका छन् ।
