- ३१ आश्विन २०८३, शनिबार / Oct 17, 2026
काठमाडाैं । दक्षिण सुडानमा तैनाथ नेपाली सेनाको टोली अदली बदली भएको छ । संयुक्त राष्ट्रसंघको आव्हानमा शान्ति स्थापना कार्यका लागि नेपाली सेना विगत लामो समयदेखि संसारका विभिन्न मुलुकहरुमा कार्यरत रहेकाे छ ।
UN Mission मा खट्टिई शान्ति स्थापना कार्यमा महत्वपुर्ण योगदान पुर्याउँदै आएकाे नेपाली सेनाकाे टाेली अदली बदली भएकाे हाे ।
आज २०७९ भाद्र ३० गते श्रीजंग गण (शान्ति सेना) ११ औं डफ्फालाई बदली गर्नका लागि SIB १२ औं डफ्फाको अन्तिम टोली सेनानी सुरज थापाको नेतृत्वमा २३२ जना मिशन ईलाकातर्फ प्रस्थान गरेका छन् ।
नेपाली शान्ति सैनिकहरु UN Chartered Flight (Nepal Airline Airbus A-330) मार्फत काठमाण्डौंबाट प्रस्थान गरेका हुन । उक्त मिशनमा तैनाथ श्रीजंग गण (शान्ति सेना) ११ औं डफ्फाको अन्तिम टोली प्रमुख सेनानी शिखर जंग बहादुर राणाको नेतृत्वमा २२९ जना नेपाली शान्ति सैनिक आजै स्वदेश आगमन भएकाे नेपाली सेनाले जनाएकाे छ ।
