- ३१ असार २०८३, बुधबार / Jul 15, 2026
महोत्तरी । गौशाला नगरपालिकाकी उपमेयर चढ्ने गाडीमा आगजनी भएको छ । उपमेयर रेनुकुमारी महतो चढ्ने प्र २००२०००१ झ०००५ नम्बरको बुलेरो गाडीमा गएराति आगजानी भएको हो ।
रामनगरमा उपमेयरकै घरको ढोका अगाडि पार्किङ गरेर राखेको गाडीमा राति २ बजेतिर अज्ञात व्यक्ति पेट्रोल छर्केर अगो लगाएका हुन् । समयमै थाहा पाएपछि घरपरिवार र स्थानीयबासिन्दाले आगो निभाएपछि क्षति हुनबाट जोगिएको छ ।
अज्ञात व्यक्तिले पेट्रोल छर्केर अगाजनी गरेको इलाका प्रहरी कार्यालय गौशालाका प्रहरी निरीक्षक मनोज यादवले बताए । आगलागीबाट देब्रे छेउको गाडीको पछाडिको टायर र अगाडिको टायरमा क्षति पुगेको छ । घटनास्थलबाट एकवटा दुई लिटरको पेट्रोल राख्ने बोतल बरामद भएको छ । घटना बारे थप अनुसन्धान भइरहेको प्रहरीले बताएको छ ।
