- ६ भाद्र २०८३, शनिबार / Aug 22, 2026
काठमाडौं । छिट्टै रुसका राष्ट्रपति भ्लादिमिर पुटिनसँग अमेरिकी राष्ट्रपति डोनाल्ड ट्रम्पले भेटवार्ता गर्ने भएका छन् । दुई देशका राष्ट्रपतिबिच भएको टेलिफोन वार्तापछि भेटघाटको वातावरण बनेको बताइएको छ ।
निकट भविष्यमा साउदी अरेबियामा हुने एक कार्यक्रममा पुटिनसँग भेटवार्ता हुने संभावना रहेको ट्रम्पले बताएका छन् । युक्रेनी राष्ट्रपति भोलोदिमिर जेलेन्स्कीले पनि अमेरिकी समकक्षीसँग यस विषयमा झण्डै एक घण्टा फोनमा कुराकानी गरेको बताइएको छ ।
फोनवार्तामा युक्रेन युद्ध अन्त्य गर्ने विषयमा कुराकानी भएको बुझिएको छ । युक्रेनको क्राइमिया र डोनेट्स्क क्षेत्र अहिलेपनि रुसी सेनाको नियन्त्रणमा रहेको छ । रुसले सन् २०२२ को फेब्रुअरीमा युक्रेनमा पूर्ण क्षमताको युद्ध शुरु गरेको थियो ।
