सवारी दुर्घटना हुँदा भारतको मध्य प्रदेशमा १२ जनाको मृत्यु, १५ जनाको अवस्था गम्भीर

एजेन्सी । भारमा सडक दुर्घटना हुँदा १२ जनाको मृत्यु भएको छ । भारतको मध्य प्रदेशस्थित गुनामा भएको सडक दुर्घटनामा १२ जनाको मृत्यु भएको हो । डम्पर र बस एकआपसमा ठोक्किएर बसमा आगलागी हुँदा १२ जनाको मृत्यु भएको भारतीय सञ्चार माध्यमहरुले जनाएका छन् ।

बसमा करिब ४० यात्रु सवार रहेको बताइएको छ । दुर्घटनामा परेकाहरुको प्रहरी र स्थानीयको सहयोगमा उद्धार गरिएको थियो । बुधबार भएको उक्त दुर्घटनामा जलेर घाइते भएका यात्रुहरुको अस्पताल लैजाँदै गर्दा र उपचारको क्रममा मृत्यु भएको हो । घाइतेमध्ये १५ जनाको अवस्था गम्भीर रहेको जनाइएको छ ।